Stjórn körfuknattleiksdeildar Snæfells hefur samið við fyrrum leikmann Valsmanna Chris Woods, en hann hefur síðustu tvö ár leikið með Valsmönnum. Fyrsta tímabil Chris á Íslandi lék hann í 1. Deildinni og þar var hann með 21.6 stig að meðaltali og 8.9 fráköst í leik. Árið eftir lék Chris með Valsmönnum á nýjan leik og endaði tímabilið með 28,4 stig í leik, 14,5 fráköst og 2,5 stoðsendingar í leik, Valsmenn féllu niður í 1. Deild.

Chris Woods er 195cm á hæð og leikur stöðu framherja.

Chris er kominn með leikheimild og verður því löglegur þegar að Hólmarar heimsækja Þór í Þorlákshöfn föstudagskvöldið 7. Nóvember klukkan 19:15. Leikurinn verður í beinni útsendingu á Sporttv.is

Heimasíðan náði tali af Inga Þór Steinþórssyni eftir að kappinn hafi lokið sinni fyrstu æfingu: “Mér list vel á þessa breytingu, Chris er eðal náungi og á eftir að koma með góðan anda með sér inní liðið. Hann kemur inní liðið með öðruvísi leik en forveri hans og á ég von á því að hann reynist liðinu mjög vel á alla kanta. Við erum ekki ennþá komnir á þann stað sem okkur langar til að vera en það er stefnan okkar að leika betur með hverjum leiknum sem við leikum.

Við erum að fara í hörkuleik í Þorlákshöfn á morgun og við þurfum topp leik þar til að sigra og núna er það eina sem skiptir máli.”

Á myndinni: Gunnar Svanlaugsson formaður KKD Snæfells handsalar samning við Christ Woods og biður hann velkominn til starfa.