Fleiri gleði tíðindi berast úr herbúðum Snæfells, þrír leikmenn hafa framlengt samninga sína eins og áður hefur komið fram og vonandi fleiri samningar á leiðinni en nú er komið að samstarfsaðila að gangi til liðs við Snæfell. Það er því mikil ánægja að kynna hið öfluga félag Gistiver til leiks.

Nú í morgun gerðu Körfuknattleiksdeild Snæfells og Gistiver öflugan samstarfssamning til 3ja ára. Það er mikilvægt skref í átt að toppnum að landa svona góðum samning. Í gegnum tíðina hafa fjölmargir leikmenn Snæfells starfað hjá þessu flotta félagi sem Gréta hefur komið á laggirnar hér í bæ. Þessi samningur gerir ráð fyrir því að svo verði áfram. Þess má geta að Gistiver rekur meðal annars hið glæsilega Hótel Egilsen sem er fallegt og sögufrægt hús í hjarta bæjarins, einnig er Hótel Búðir í eigu Gistivers en Hótel eru tvímælalaust eitt fegursta sveitahótel á Íslandi í aðeins tveggja stunda akstursfjarlægð frá Reykjavík. Hótelið er staðsett á suðvestanverðu Snæfellsnesi í nágrenni við helstu náttúruperlur Íslands.

Stjórn körfuknattleiksdeildarinnar fagnar mjög þessum samningi og hlakkar til að vinna áfram sem hingað til með góðu fólki Gistivers.

Á myndinni eru Gréta Sigurðardóttir, hótelstýra og Gunnar Svanlaugsson, formaður KKD. Snæfells.