Fótbolti – Jólamót SPK
Fyrsta mótið sem við sendum sameinað lið á var Jólamót Sparisjóðs Kópavogs sem haldið var á milli jóla og nýárs. Sitt sýnist hverjum um það að…
halda til keppni á þessum tíma. Finnst mörgum alveg nóg að endasendast landið þvert og endilangt allan ársins hring og lágmark að fá frið með fjölskyldunni á jólunum.
Það væri mjög fróðlegt, krakkar og foreldrar, að fá að vita hvað ykkur finnst. Ef fólk er almennt á móti þessu verður náttúrlega ekki farið aftur á þetta mót.
En til þess þarf að koma skoðunum sínum á framfæri og það er upplagt að senda þær á monikaaxels@simnet.is eða einhvern annan í stjórninni. (Sjá: Stjórn og þjálfarar)
Fjölmargir hnökrar komu upp eins og við var að búast, bæði viðráðanlegir og óviðráðanlegir og er verið að vinna í þeim viðráðanlegu, hinu verður bara að taka eins og hverju öðru hundsbiti.
Liðunum gekk alveg ágætlega þegar á heildina er litið, sérstaklega í ljósi þess að þetta var fyrsta mótið okkar og margir gátu ekki mætt.
En gengi liðanna var sem hér segir:
2. fl ka A 3. sæti í B riðli 2. fl kv A 5. sæti
3. fl ka A 3. sæti 3. fl kv B 4. sæti
3. fl ka B 3. sæti í A riðli
4. fl ka B-1 1. sæti í B riðli 4. fl kv B 3. sæti
4. fl ka B-2 2. sæti í A riðli 4. fl kv C 5. sæti
5. fl ka A 5. sæti 5. fl kv B 4. sæti
5. fl ka B 4. sæti 5. fl kv C 3. sæti
6. fl ka B-2 3. sæti í A riðli 6. fl kv B-1 1. sæti í A riðli
6. fl ka B-2 1. sæti í B riðli
7. fl keppti ekki á mótinu.
MA