Drengjaflokkur áfram í bikarkeppni KKÍ
Snæfell/Skallagrímur sigruðu Grindavík öðru sinni í vetur, nú í bikarkeppni KKÍ og fór leikurinn fram í íþróttamiðstöðinni í Borgarnesi. Strákarnir sigruðu 116-44 eftir að hafa leitt í hálfleik 54-17. Stigahæstur var Sigurður Þórarinsson með 27 stig. Kristján Pétur Andrésson og Hlynur Hreinsson léku ekki með liðinu. Snæfell/Skallagrímur hófu leikinn sterkt og lögðu grunninn að öruggum sigri, þeir skoruðu 21-0 en einu körfur Grindvíkinga voru tvær þriggja stiga körfur og staðan eftir fyrsta leikhluta 29-6…….
Drengjaflokkur áfram í bikarkeppni KKÍ
Snæfell/Skallagrímur sigruðu Grindavík öðru sinni í vetur, nú í bikarkeppni KKÍ og fór leikurinn fram í íþróttamiðstöðinni í Borgarnesi. Strákarnir sigruðu 116-44 eftir að hafa leitt í hálfleik 54-17. Stigahæstur var Sigurður Þórarinsson með 27 stig. Kristján Pétur Andrésson og Hlynur Hreinsson léku ekki með liðinu.
Snæfell/Skallagrímur hófu leikinn sterkt og lögðu grunninn að öruggum sigri, þeir skoruðu 21-0 en einu körfur Grindvíkinga voru tvær þriggja stiga körfur og staðan eftir fyrsta leikhluta 29-6. Sigurður Þórarinsson skoraði 16 stig og var öflugur. Í öðrum leikhluta héldu Snæfell/Skallagrímur áfram að bæta við forystuna og skoruðu fyrstu átta stig annars leikhluta. Birgir Péturs smellti tveimur þristum en liðið var að leika vel og leiddu 54-17 í hálfleik.
Kristján Pétur Andrésson fann sjómanninn í sér og skellti sér á línu, hann lék því ekki með. Kappinn kemur sterkur inn í næsta verkefni drengjaflokks sem er gegn Stjörnunni 5. janúar í Garðabæ. Hlynur Hreinsson lék ekki með í þessum leik þar sem hann var á landsliðsæfingum hjá U-92 liðinu. Hlynur mun ekki leika meira með Snæfell á þessu leiktímabili þar sem hann er að flytja á Ísafjörð. Við óskum Hlyni góðs gengis á Vestfjörðum.
Síðari hálfleikur var í eign Snæfells/Skallagríms og skoruðu allir leikmenn liðsins, Þorbergur Sæþórsson var að leika sinn fyrsta leik í vetur með liðinu og Ásmundur Þrastarson hefur ákveðið að sækja nám í Reykjavík eftir áramót og því var þetta síðasti leikur kappans með Snæfell í bili. Við óskum Ása góðs gengis í sínum verkefnum á stórborginni.
Lokatölur urðu sem fyrr segir 116-44 og liðið komið áfram í átta liða úrslit þar sem mótherjar eru KFÍ með Hlyn Hreins innanborðs. Leiktími hefur ekki verið ákveðin en reiknað er með að hann verði mánudaginn 18. janúar.
Stigaskor strákanna í leiknum: Sigurður Þórarinsson 27 stig, Egill Egilsson 16, Trausti Eiríksson 14, Sigursteinn Hálfdánarson 10, Andrés Kristjánsson 9, Birgir Þór Sverrisson, Birgir Pétursson, Elfar Ólafsson og Guðni Sumarliðason 8, Ásmundur Þrastarson 4 og þeir Davíð Guðmundsson og Þorbergur Sæþórsson 2.